+7 (777) 001 44 99
Қазақша
Русский
English
Көкшетауда үйлердегі пәтерлердің біріне жарылғыш заттың қойылғаны туралы "қалжыңдаған" облыстық экология департаменті экологиялық бақылау бөлімінің жетекшісі Қанат Мырзахметов болып шықты.
Облыстық Мемлекеттік қызмет істері және сыбайлас жемқорлыққа қарсы іс-қимыл департаментінің тәртіптік кеңесі "мемлекеттік қызметкердің абыройына нұқсан келтіргені үшін" Мырзахметовты қызметінен босатуға кеңес берді. Бұл туралы "Интерфакс-Казахстан" ведомствоға сілтеме жасай отырып хабарлады.
Ведомство қызметкерінің айтуынша, Мырзахметов Пушкин көшесінде тұратын көршісіне қоңырау шалып, үйіне жарылғыш заттың қойылғанын айтып қалжыңдаған.
Оқиға орнына құқық қорғау органдары қызметкерлері барды. Үйден 50-ге жуық адам эвакуацияланды. Департаменттегілер жарылғыш заттың табылмағанын айтты.
