+7 (777) 001 44 99
Қазақша
Русский
English
Ақмола облысының ІІД және Көкшетау ІІБ-нің 15 шақты офицері қызметтік міндетіне немқұрайлы қарауына байланысты тәртіптік жазаға тартылды. Офицерлер полиция майоры Жәнібек Баймурзиннің және лейтенант Дархан Еламановтың жұмыс уақыты кезінде кезекшіліктен кетіп қалуына жол берген. Қос офицер де жанжалдасып, мұның арты Дархан Еламановтың өлімімен аяқталды, - деп хабарлайды Tengrinews.kz тілшісі.
Қазақстан Республикасының ІІМ-нің мәліметі бойынша, 2017 жылдың 10 сәуірінде министрлікте Дархан Еламановты өлтіру дерегіне қатысты Жәнібек Баймурзиннің ісін тергеу аяқталды.
Ақмола облысының қылмыстық істер бойынша сотының шешімімен бұрынғы полиция майоры 18 жылға бас бостандығынан айырылды.
Тергеу кезінде қылмыстың себебі мен жағдайы анықталды. Қызметтік тергеу қорытындысы бойынша, бірқатар полиция қызметкері жазаланды.
"12 шақты адам жазаға тартылды. Көкшетау ІІБ-ның басшысы ауысты. Екі орынбасары жұмыстан қуылды. Ақмола облысының ІІД-нің бірқатар офицері қатаң сөгіс алды", - дейді Ақмола облысының қылмыстық істер бойынша мамандырылған сотының төрағасы Бауыржан Баймурзин.
Еске салайық, 2016 жылдың 25 желтоқсанында Ақмола облысы Ішкі істер департаментінің Қылмыстық полиция басқармасының майоры Жәнібек Баймурзин жанжал кезінде полицияның аға лейтенанты Дархан Еламановты табельдік қарудан атып тастаған. Кейін ол Еламановтың мәйітін қала сыртына апарып көмген.
