Шекарашылар "Қорғаста" Қытайда шығарылған 200 келі дәрі-дәрмек тапты, - деп хабарлайды Tengrinews.kz тілшісі Ұлттық қауіпсіздік комитетінің сайтына сілтеме жасап.
"Қорғас" шекаралық бақылау отрядының аумағындағы Халықаралық шекара бойы ынтымақтастығы орталығында шекарашылар Қазақстанға кіре беріс залдан жалпы салмағы 209 келі иесіз жүк тауып алды. Рұқсат қағаздары жоқ жүк түгелімен Қытайда шығарылған дәрі-дәрмек екен. Табылған дәрі-дәрмек актіленіп, "Алтынкөл" кеден бекетіне тапсырылды", - деп хабарлады комитеттегілер.
© knb.kz
