Қостанай облыстық сотының судьясы ірі көлемде пара алып жатқан жерінде ұсталды. Бұл туралы Жоғарғы Соттың баспасөз қызметі хабарлады, - деп хабарлайды Tengrinews.kz тілшісі.
"17 тамызда Ұлттық қауіпсіздік комитеті мен Жоғарғы Соттың ішкі қауіпсіздік бөлімінің өзара іс-қимылы нәтижесінде Қостанай облыстық сотының судьясы пара алып жатқан кезінде ұсталды", - делінген хабарламада.
Бұл қаражат соттың мүдделі тарап пайдасына оң шешім шығаруы үшін арналғаны айтылған. Жоғарғы Сот мәліметінше, басқа ақпарат тергеу мүддесі үшін жарияланбайды.
ҰҚК Тергеу департаменті Қылмыстық кодекстің 366-бабы ("Пара алу") 3-бөлігі 3-тармағы бойынша соталды тергеу амалдарын жүргізіп жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
