+7 (777) 001 44 99
ПОДЕЛИТЬСЯ
Қырғызстанда 2015 жылдың 12 қазанына қараған түні Шу облысында түзету мекемесінен тоғыз экстремистің қашып кетуіне байланысты Жамбыл облысында қауіпсіздік шаралары күшейтілді, - деп хабарлайды Tengrinews.kz тілшісі өңірдегі ІІД баспасөз қызметіне сілтеме жасап.
Қырғызстанда 2015 жылдың 12 қазанына қараған түні Шу облысында түзету мекемесінен тоғыз экстремистің қашып кетуіне байланысты Жамбыл облысында қауіпсіздік шаралары күшейтілді, - деп хабарлайды Tengrinews.kz тілшісі өңірдегі ІІД баспасөз қызметіне сілтеме жасап.
"Қазіргі уақытта Қырғызстанның тиісті органдарымен бірлескен түрде жедел-іздестіру шаралары жүріп жатыр. "Жедел ұстау" жоспары жарияланды. Осы оқиғаға байланысты Жамбыл облысының ішкі істер органдарының барлық жеке құрамы қашқын қылмыскерлердің біздің территориямызға кірунің жолын кесуге бағытталған", - делінген таралған хабарламада.
Сонымен қатар, полицейлер азаматтық қоғамды қырағы болуға шақырып отыр. Тәртіп сақшылары іздестіріліп жатқан тұлғаларға қатысты қандай да бір мәліметі барлардан "102" телефонына хабарлауды сұрайды.
Осыған дейін Қазақстан шекарасының күзеті Қырғызстандағы колониядан 9 экстремистің қашуынан кейін күшейтілгені хабарланған болатын.
Еске сала кетейік, 12 қазанға қараған түні Қырғызстанда 9 адам колонияның үш қызметкерін өлтіріп, түрмеден қашып кеткен. Олардың бесеуі айналма жолда ұсталды. Түрмеден қашқан төртеудің екеуі өмір бойына бас бостандығынан айырылған болса, екеуі тергеуде екен. Милиция іздестіріп жатқандар экстремизм мен терроризм үшін қылмыстық жауапкершілікке тартылған. Төменгі Нооруз ауылындағы №50 түзету мекемесінен қашқандар заңсыз деп танылған "Жайшул-Махди" партиясының өкілі болған.
