+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
28 жастағы Екібастұз тұрғыны көршісі 1 айға жуық ізіне түскенін, тіпті пәтеріне от қоюға тырысқанын айтып шағымданды, - деп хабарлайды Tengrinews.kz тілшісі.
28 жастағы Екібастұз тұрғыны көршісі 1 айға жуық ізіне түскенін, тіпті пәтеріне от қоюға тырысқанын айтып шағымданды, - деп хабарлайды Tengrinews.kz тілшісі.
Қыздың шағымын Instagram-дағы "НеМолчи" қоры жариялаған. Оның айтуынша, 40 жастағы көршісі биыл сәуірде көшіп келген. Осы кезден бастап ол қызды үнемі қорлап, терезелерін, есіктерін, құлыптарын сындырып, үйіне басып кіреді екен.
Посмотреть эту публикацию в Instagram
"Ол барлық терезені сындырып, пәтерге от қоюға тырысты. Заттарыма ерітінді құйды. Жарайды, ең жаманы, ол қышқыл құйып, мені өлтіремін деп қорқытады. Есіктің құлыптарын үнемі сындырып, пәтеріме кіріп келеді. Тіпті түнде ұйықтап жатқанда да осылай болады. Ит асырап алдым, ол бөлмеме кіргенде мені оятады. Мен айғайлаймын, басқа көршілер мұны естиді, күн сайын полиция шақырамын. Бірнеше рет өтініш жазып, учаскелік кеңсеге жүгіндім. Кейінгі рет оған 15 күн бойы қорғаныс туралы бұйрық берілді. Бірақ ол тағы да пәтеріме басып кірді", - деді қыз.
"НеМолчи" қорының мәліметінше, қорғау нұсқамасы бойжеткен полицейлердің әрекетсіздігіне шағымданғаннан кейін ғана берілген. Ал олар ер адамның осындай орынсыз әрекеті туралы Павлодар облысының Полиция департаментіне хабарлаған.
"Ол жерде бірден шара қабылданып, іс қозғалды, сот өтті. Бірақ, өзгеріс жоқ. Соттан кейін бәрі қайталанды. Жәбірленуші ештеңеге сенбейді, жай ғана қоштасып, оны жазалауды өтінді", - дейді "НеМолчи" қорының өкілдері.
Павлодар облысы Полиция департаментінің ақпараты бойынша, бұл дерек бойынша Екібастұз полицейлері ҚР Қылмыстық кодексінің 149-бабы бойынша соталды тергеу жүргізіп жатыр.
"Сондай-ақ, қыздың 14.05.2022 жылғы өтініші бойынша учаскелік полиция инспекторы ҚР ӘҚБтК-нің 434 және 73-баптары бойынша әкімшілік іс қозғады. Материалдар сотта қаралды. Көршісіне қатысты әкімшілік ықпал ету шаралары қабылданды: 5 АЕК мөлшерінде айыппұл салынды, қорғау нұсқауы, ескерту жасалды, мінез-құлыққа байланысты талаптар қойылды", - деп түсіндірді аймақтың Полиция департаменті өкілі.
Айта кетейік, ер адам "Ұсақ бұзақылық" және "Отбасылық-тұрмыстық қатынастар саласындағы заңсыз әрекеттер" баптары бойынша жазаланған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
