Қызылорда полицейлері жергілікті тұрғынның үйінен әскерилерге тиесілі қаруды тапты. Тұрғынның айтуынша, ол қаруды 2022 жылдың 5 қаңтарында болған жаппай тәртіпсіздік кезінде тауып алған, - деп хабарлайды Tengrinews.kz тілшісі.
Қызылорда облысы Полиция департаменті баспасөз қызметінің мәліметінше, тергеу барысында осы іске қатысы бар күдіктінің үйінен әскери қызметшілерге тиесілі АК-74 және БП-25 қаруы табылып, қылмыстық іске заттай дәлел ретінде тіркелген.
"Қазіргі уақытта Қылмыстық кодекстің бірнеше бабы бойынша соталды тергеу жүргізіліп жатыр", - деді ведомствоның баспасөз қызметі өкілдері.
Күдікті уақытша ұстау изоляторына қамалған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
