+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Маңғыстау облысындағы Жетібай ауылында ер адам өз баласын қылғындырып өлтірген, - деп хабарлайды "Лада".
Маңғыстау облысындағы Жетібай ауылында ер адам өз баласын қылғындырып өлтірген, - деп хабарлайды "Лада".
Бала 21 қарашада ауылдағы ауруханаға ауыр жағдайда түскен. Дәрігерлер оған суға тұншығу және асфиксия деген диагноз қойған. Сөйтсек, баланы әкесі қылғындырып қана қоймай, суға тұншықтырған. Себебі өкпесінен су табылған.
"Ақтаудан келген дәрігерлер баланы қарады. Оның жағдайы өте ауыр екенін айтты. Оны тіпті көлікке жеткізіп үлгермеген. Баланың сол кезде демі үзілген. Онымен бірге келген әжесінің айтуынша, баласы немересін суға тұншықтырып, қылғындырған", - деді Жетібай ауылдық ауруханасының бас дәрігері Есболай Есенқосов.
Маңғыстау облыстық ІІД өкілдері кәмелетке толмаған баланың өлімін растады. Осы дерекке байланысты "Адам өлтіру" бабы бойынша қылмыстық іс қозғалды. "Бұл ер адам жүйке жүйелері аурулары диспансерінде есепте бар. Оны полиция қызметкерлері ұстап, уақытша ұстау изоляторына қамады", - деп хабарлады Маңғыстау облыстық ІІД баспасөз қызметінің жетекшісі Жазира Әбіл.
Сотқа дейінгі тергеу басталыпты. Оқиғаның мән-жайы тергеу мүддесіне байланысты хабарланбайды.
