+7 (777) 001 44 99
Қазақша
Русский
English
Маңғыстау облысында атыс ұйымдастырғандарға қатысты сот үкімі шықты, деп хабарлады Lada.kz.
Порталдың хабарлауынша, атыс Құрық ауылында болған, оның салдарынан сегіз адам зардап шекті. Сот үкімі бойынша, оқ атқан жігіт 11 жылға сотталды. Тағы біреуі төрт жылға бас бостандығынан айырылды. Ал үшінші жігітке шартты мерзім тағайындалды - екі жыл. Үкім заңды күшіне енді.
Іс материалдары бойынша, екі топ арасында жанжал болған. Олар ауылдағы дүкендердің бірінің жанында кездесу ұйымдастырыпты. Бір топтың жігіттері шолақ мылтық ала барған.
"Жігіттердің бірі аспанға, ал екіншісі қарсы топтағыларға оқ жаудыра бастаған. Осыдан кейін олар оқиға болған жерден қашып кетті", - делінген жарияланымда.
Оқиғадан зардап шеккен сегіз адамды дәрігерлер құтқарып, ал бұзақыларды полиция ұстап алған.
