+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Жамбыл облысы Қордай ауданы Масанчи ауылында болған жаппай төбелестен кейін полицейлер 47 адамды ұстады, - деп хабарлайды Tengrinews.kz тілшісі.
Жамбыл облысы Қордай ауданы Масанчи ауылында болған жаппай төбелестен кейін полицейлер 47 адамды ұстады, - деп хабарлайды Tengrinews.kz тілшісі.
"Құқық қорғау органдары қызметкерлерінің арасында жедел-тергеу тобы құрылды. Оқиға орнына менің орынбасарым мен бас прокурордың орынбасары аттанды. Құқық қорғау органдары жедел төтенше жағдайды ауыздықтады.
Қазіргі уақытта 47 адам ұсталды және полиция бөліміне жеткізілді. Олардан екі аңшы қаруы тәркіленді. Сотқа дейінгі тергеу шаралары ҚР Қылмыстық кодексінің 272-бабы "Жаппай тәртiпсiздiкке қатысу және оны ұйымдастыру", сондай-ақ ҚР ҚК-нің 99-бабы ("Адам өлтіру") бойынша жүріп жатыр", - деді ішкі істер министрі Ерлан Тұрғымбаев ОКҚ брифингінде.
Еске салайық, бұған дейін 7 ақпанда Жамбыл облысы Қордай ауданы Сортөбе және Масанчи ауылдарында полицейлерге шабуыл жасалып, жаппай төбелес шыққаны мәлім болған.
Бұған дейін министр 8 адамның қаза тапқанын мәлімдеген.
Тоқаев Қордай ауданындағы жағдайға қатысты пікір білдірді. Ол оқиғаны арандатушылар өз пайдасына қолданбақ болғанын мәлімдеген.
Кейін Президент Жамбыл облысындағы оқиғаларға байланысты мәлімдеме жасап, қаза тапқандар мен зардап шеккендер жайлы айтты.
