Мәскеуде сиқыршы әйелдің басын кесіп кетті

10 Қыркүйек 2014, 10:42
0
Мәскеуде сиқыршы әйелдің басын кесіп кетті - Марқұмның үйінің алдындағы ағаштарға ойыншықтар ілінген. ©Lifenews.ru
Марқұмның үйінің алдындағы ағаштарға ойыншықтар ілінген. ©Lifenews.ru

Мәскеудің Троицкий әкімшілік округінің Ознобишино елді мекеніндегі жеке үйлердің бірінен жергілікті тәуіп әрі сиқыршы әйел Людмила Цоцонаваның басы кесілген мәйіті табылды, - деп хабарлайды LifeNews. Өлер алдында әйел үйін діни нышандармен безендірген, өз үйі алдындағы ағаштарға жол апаты орнынан алынған ойыншықтарды ілген, бұл жол апаты 2013 жылы 13 шілдеде болды, ол кезде Подольск түбінде автобус пен КамАЗ түйіскен еді.

"Цоцонаваның басы кесілген, бұл салттық қылмысқа ұқсайды. Тергеудің мәліметінше, әйелді оның клиенттері немесе оның сиқыршылық қызметіне наразы адамдар өлтіруі мүмкін. Үйді тінту кезінде, иконалар, гүлдер, автобус пен КамАздың апатқа ұшыраған жерінен алынған ойыншықтар табылды. Көріпкелдің ол заттармен не істегені әзірше белгісіз", - дейді полицейлер.

Көршілердің айтуынша, бақсыға түрлі аймақтан клиенттер келетін болған. "Біз онымен сөйлеспейтінбіз, бірақ ол маған бірде көмектесті. Менің немерем болмады, ол маған дуалға аққұтанның бейнесін іліп қоюды сұрады. Кейін менде немере пайда болды. Иконалар мен ойыншықтарға келсек, олардың қайдан алынғанын білмеймін", - дейді көрші Ирина.

Бұл дерек бойынша қылмыстық іс қозғалды, қылмыскерлер іздестіріліп жатыр.

 

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай