05 қыркүйек 2020 | 13:08

Мектеп оқушысына азғындық жасаған оралдық тұрғын ұсталды

Көрнекі сурет © Tengrinews.kz

Мектеп оқушысына азғындық жасаған Орал қаласының тұрғыны ұсталды, - деп хабарлайды "Мой ГОРОД".

Күдікті өз кінәсін толық мойындады, аталған дерек бойынша қылмыстық іс қозғалды.

Облыстық полиция департаментінің мәліметінше, оқиға биыл тамыз айының ортасында болған. Жәбірленушінің анасы 2020 жылдың 3 қыркүйегінде полицияға шағымданған. Күдікті бірден анықталып, ұсталды.

"Кәмелетке толмаған 2006 жылғы қыздың анасы шағымданған болатын, жәбірленуші қаладағы мектептердің бірінде 9-сыныпта оқиды. Қажет шара қабылданып, 1997 жылғы Орал тұрғыны ұсталды. Тергеу кезінде күдікті кінәсін толық мойындады. ҚР Қылмыстық кодексінің 124-бабының 1-бөлігі бойынша сотқа дейінгі тергеу амалдары басталды", - дейді БҚО ПД ресми өкілі Болатбек Белгібеков.

Болатбек Белгібековтің айтуынша, аталған бап бойынша 5 жылға дейін бас бостандығынан айыру жазасы қарастырылған.

Қазақстан жаңалықтары. Соңғы жаңалықтар. Telegram желісінде бізге жазыл!

Орал оқушы Мектеп

TENGRI travel