+7 (777) 001 44 99
Қазақша
Русский
English
Қазақша
Русский
English
Елордада 4 рет балаарба ұрлаған ер адам ұсталды, - деп хабарлайды Tengrinews.kz тілшісі қалалық полиция департаментінің баспасөз қызметіне сілтеме жасап.
"Полиция қызметкерлері жедел-іздестіру шарасы барысында ұрлық және қарақшылық қылмыстары үшін бірнеше рет сотталған 36 жастағы елордалықты ұстады. Оның 4 ұрлыққа қатысы бары анықталды. Тергеу барысында ер адам 4 күн бойы үйлердің кіреберісіне еніп, қараусыз қалған балалар арбасын ұрлағаны белгілі болды. Ол ұрланған заттарды "Евразия" сауда үйі ауданында танымайтын адамдарға арзан бағаға сатып отырған", - делінген хабарламада.
Тәртіп сақшыларының мәліметінше, күдікті өз кінәсін толық мойындаған. Ұрланған балаарбалар тәркіленген.
Полиция қызметкерлері бұл факт бойынша ҚР Қылмыстық кодексінің 188 бабы ("Ұрлық") бойынша сотқа дейінгі тергеу бастады. Күдікті уақытша тергеу изоляторына қамалды.
Қазақстан жаңалықтары. Соңғы жаңалықтар. Telegram желісінде бізге жазыл!
Қолданушыларымызға ыңғайлы болуы үшін пікір авторларының орналасқан жерін автоматты түрде анықтау функциясын жасадық.
Введите свою почту и пароль
0:00