+7 (777) 001 44 99
Қазақша
Русский
English
Жеңгетайлықпен айналысқан елордадағы сауна мен массаж салонының әкімшілері ұсталды. Бұл туралы Нұр-Сұлтан қаласы ПД баспасөз қызметі мәлімдеді, - деп хабарлайды Tengrinews.kz тілшісі.
Полиция ақпараты бойынша, қала аумағында 16-18 маусым аралығында полиция қызметкерлері "Қорғау" үкіметтік емес ұйымымен бірлесіп "STOP трафик" республикалық жедел-алдын алу іс-шарасын өткізген.
Жыныстық қызмет көрсететін 20 қыз бен жеңгетайлықпен айналысатын 3 адам анықталды, олар мамандандырылған есепке алынды.
Ақжүніс көшесіндегі коттеджде полицейлер массаж салонының астында жұмыс істейтін секс-притонды тапты, онда екі әкімші жеңгетайлықпен айналысқан.
Массаж салонындағы рейдтік іс-шаралар барысында полицейлер клиенттен интим қызметтері үшін 60 мың теңге алған 23 жастағы қызды ұстады.
Сондай-ақ, үш саунаның әкімшілері ұсталды, олар клиенттерді жеңіл жүрісті қыздармен байланыстырған. Әр қыздан 10-нан 12 мың теңгеге дейін ақша алған. Барлық мекеме әкімшілеріне қатысты қылмыстық іс қозғалып, тергеу жүріп жатыр.
Сонымен қатар, жедел алдын алу іс-шарасы барысында жезөкшелікпен айналысуға немесе жеңгетайлық үшін үй-жайды жалға берудің 3 дерегі анықталды. Заңнаманы бұзған тұрғын үй иелеріне әкімшілік іс қозғалды. Баптың санкциясы 100 АЕК мөлшерінде айыппұл салуды көздейді.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
