+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Сотқа жедел басқару орталығының қызметкеріне қатысты іс жіберілді, ол "Сергек" жүйесі тіркеген 268 құқықбұзушылықты есептен шығарды деген күдікке ілінді. Бұл туралы Сыбайлас жемқорлыққа қарсы іс-қимыл агенттігінің Нұр-Сұлтандағы департамент басшысы Шыңғыс Қабдула мәлімдеді, - деп хабарлайды Tengrinews.kz тілшісі.
Сотқа жедел басқару орталығының қызметкеріне қатысты іс жіберілді, ол "Сергек" жүйесі тіркеген 268 құқықбұзушылықты есептен шығарды деген күдікке ілінді. Бұл туралы Сыбайлас жемқорлыққа қарсы іс-қимыл агенттігінің Нұр-Сұлтандағы департамент басшысы Шыңғыс Қабдула мәлімдеді, - деп хабарлайды Tengrinews.kz тілшісі.
"Сотқа жедел басқару орталығының лауазымды тұлғасына қатысты қылмыстық іс жолданды, ол әкімшілік өндірістердің бірыңғай тізіліміне бұрмаланған деректерді жүйелі түрде енгізіп отырған және "Сергек" камералары тіркеген үш миллион теңгеден аса сомаға 268 әкімшілік құқық бұзушылықты есептен шығарған. Іс жеңілдетілген іс жүргізу аясында сотқа жіберілді", - деді Шыңғыс Қабдула брифингте.
Оның айтуынша, қалған алты айыпталушыға қатысты тергеу жалғасып жатыр.
"Сергек" камераларынан есептен шығарылған айыппұл бойынша жұмыс көлемі өте үлкен", - деп толықтырды Шыңғыс Қабдула.
Бұған дейін Сыбайлас жемқорлыққа қарсы қызмет өкілдері Нұр-Сұлтан полиция департаментінің жедел басқару орталығының лауазымды тұлғаларына қатысты бірқатар қылмыстық іс қозғағанын, олар "Сергек" камералары тіркеген Әкімшілік құқық бұзушылықтардың бірыңғай тізіліміндегі деректерді жүйелі түрде бұрмалағанын және құқықбұзушыларды жүйелі түрде жауаптан босатып отырғанын мәлімдеген болатын.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
