+7 (777) 001 44 99
Қазақша
Русский
English
Қазақша
Русский
English
Нұр-Сұлтанда ұйымдасқан қылмыстық топ мүшелері ұсталды. Күдіктілер бірнеше ай бойы астаналық кәсіпкерден ақша бопсалаған, - деп хабарлайды Tengrinews.kz тілшісі Полиция департаментіне сілтеме жасап.
Полицейлердің айтуынша, кәсіпкер арызбен жүгінген. Одан бірнеше ай бойы қорқытып, күш көрсетіп, ірі көлемде ақша бопсалаған.
"Полиция ұйымдасқан қылмыстық топ мүшелерін ұстау бойынша арнайы операция жүргізді. 40 және 47 жастағы күдіктілер 300 мың теңге көлемінде ақша алғаннан кейін, ұсталды. Сондай-ақ, Орал қаласында топтың үшінші мүшесі, Батыс Қазақстан облысының 26 жастағы тұрғыны ұсталды", - деді баспасөз қызметіндегілер.
Полицейлер мәліметінше, жәбірленуші былтыр қыркүйекте күдіктілердің бірімен кездескені анықталды. Ер адам кәсіпкерге қарызды қайтару мәселесін шешуге уәде берген. Сол уақыттан бері күдіктілер күш қолданып, жәбірленушіден жүйелі түрде ақша бопсалай бастаған.
"Кәсіпкер жеке шотынан бір миллион теңгеге жуық қаражатты толық шешіп берген. Сонымен қатар, күдіктілер қорқытып, оны екі рет ірі көлемде несие алуға мәжбүрлеген. Бүкіл ақшаны бопсалаушылар иемденген. Олар жәбірленушіден жалпы сомасы үш миллион теңгеге жуық ақша алған", - деп қосты полицияның баспасөз қызметі өкілдері.
Қазіргі уақытта ҚР Қылмыстық кодексінің 194-бабы "Қорқытып алу" бойынша соталды тергеу амалдары жүргізіліп жатыр. Күдіктілер полицияның уақытша ұстау изоляторына қамалған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
