03 мамыр 2017 | 13:37

ОҚО-да ер адам кәсіпкерден бір миллион доллар бопсалаған

Ардақ Құлтаев

Көрнекі сурет. © Бяки.нет

ОҚО-да үлкен сомада ақша бопсалаған 54 жастағы азамат ұсталды, - деп хабарлайды Tengrinews.kz тілшісі ОҚО ІІД баспасөз қызметіне сілтеме жасап.

ОҚО-да үлкен сомада ақша бопсалаған 54 жастағы азамат ұсталды, - деп хабарлайды Tengrinews.kz тілшісі ОҚО ІІД баспасөз қызметіне сілтеме жасап.

"ОҚО ІІД-нің Ұйымдасқан қылмысқа қарсы күрес басқармасына Сайрам ауданының жергілікті тұрғыны арызданған. Кәсіпкер өз арызында кәсібіне тыныштық бермей отырған азамат, бір миллион АҚШ долларын бопсалағанын көрсеткен. Аталған жайт СДБТР-ға тіркеліп ҚР ҚК-нің 194-бабы "Қорқытып алу" қылмыстық іс қозғалған", - деп хабарлады полицейлер.

Сондай-ақ, жедел іс-шаралар жүргізу барысында ОҚО ІІД Ұйымдасқан қылмысқа қарсы күрес басқармасының қызметкерлері 1963 жылы туған. Сайрам ауданының тұрғынын өз үйінде 9 миллион тенгені қолма-қол алу барысында құрықтағаны айтылады.

Полиция қызметкерлері күдіктінің үйін қарау барысында 9 дана атыс, жарақат салатын, пневматикалық қаруларды және мыңға жуық әр түрлі калибрлі оқ дәрілерді тәркіледі.

Аталған жайт СДБТР-ға тіркеліп ҚР ҚК-нің екі бабымен қылмыстық іс қозғалды: 194-бабының 4-тармағы "Қорқытып алу", 287-бабының 2-тармағы "Қаруды, оқ-дәрiлердi, жарылғыш заттарды және жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру". Сот қаулысымен ұсталған азамат 2 айға қамауға алынды.