Омбының Интерполы іздеудегі қазақстандықты ұстады 04 қазан 2014, 18:52
Омбының теміржол вокзалында Интерполдың жергілікті қызметкерлері алаяқтыққа қатысы бар Қазақстан азаматын ұстады деп хабарлайды Омбының ІІДБ баспасөз қызметіне сілтеме жасаған Tengrinews.kz тілшісі.
29 жастағы ер адам Қазақстанның құқыққоргау органының сұрауымен Интерпол желілері арқылы іздестірілген. Ол 2013 жылдың тамызында бөтеннің Toyota Camry және Porsche Cayenne сынды екі аса қымбат көлігін мініп кеткен. Онда да ол зардап шегушілерге көлікті жалға алатынын, қайтып келген соң ақысын төлейтінін айтқан. Бірақ белгіленген мерзім ішінде ер адам кері оралмаған, көлік иесі де жер сипап қалған. Алаяқ көлік иесін 15,5 миллион теңге көлемінде ірі материалдық шығынға ұшыратқан.
"Осы факті бойынша Қазақстан құқыққорғау органындағылар "Алаяқтық туралы" бап бойынша қылмыстық іс қозғаған. Ал көлікті алып кеткен адам тығылып қалған. Сондықтан оған халықаралық іздеу жарияланған. Интерполдың бас хатшылығы қылмыскерді қамап, оны жазалаушыларға өткізіп беру мақсатында оған халықаралық іздеу жариялайтын хаттама бекіткен" делінеді Ресейдің Омбы облысы ІІДБ таратқан хабарламада.
- ПОДЕЛИТЬСЯ