+7 (777) 001 44 99
Қазақша
Русский
English
Оңтүстік Қазақстан облысындағы болған атыстан 16 жастағы бала жапа шекті, деп хабарлайды, - КТК.
Атыс Оңтүстік Қазақстан облысының Леңгір қаласында болды. Жанжалға жергілікті колледж студенттері мен мен мектеп оқушылары қатысқан. Атыс салдарынан бір бозбала жапа шекті. 16 жастағы Айдос Жолдасқа дәрігерлер бірнеше сағат бойы ота жасады. Оның маңдайы, төбесі және самайы жарақаттанған. Қазір ол қозғалып, сөйлей алмайды. "Түскен кездегі қаралушының жағдайы ауыр. Ол миына жасалған соққыдан ауыр зақымданып, есінен танып қалған. Миының зақымдану көрсеткіші бірінші дәреже. Түскен кезде айтқан сөзінде ол есінде ештеңе жоқтығын және білмейтінін айтты", - деп мәлімдеді Леңгір ауруханасының хирургия бөлімі жетекшісі Дәулет Мұсаев.
Тергеу мәліметі бойынша, қақтығысқа 8 адам қатысты, оның тең жартысы - кәмелетке толмағандар. Барлығы да қаруланған. Олардың бір жағы полицияға бірінші болып тапаншамен атқан соң қашып келген. Бозбалалар үш кесілген мылтық және травматикалық тапанша алып келген. Бірнеше күн өткен соң полицейлер атыстың өзге қатысушыларын ұстады. Олардан да 3 кесілген мылтық алынды. Тергеу ісі жалғасып жатыр.
