+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Батыс Қазақстан облысының полицейлері синтетикалық есірткі саудасына қатысты күдікті екі жас адамның ұсталғанын хабарлады, - деп хабарлайды Tengrinews.kz тілшісі.
Батыс Қазақстан облысының полицейлері синтетикалық есірткі саудасына қатысты күдікті екі жас адамның ұсталғанын хабарлады, - деп хабарлайды Tengrinews.kz тілшісі.
БҚО полиция департаментінің баспасөз қызметі 1 қарашада кешке Бәйтерек ауданы Мичурино кентіндегі жеке үйлердің маңында "Рефлекс" жедел алдын алу іс-шарасы барысында 18 жастағы қыз бен 19 жастағы жігіт ұсталғанын хабарлады.
"Жеке тінту барысында ұсталған адамнан 6 түйіншек ұнтақ зат табылып, тәркіленді. Аумақты тексергеннен кейін тағы 8 жасырын жер табылды, ол жерде 8 түйіншек болды. Заттай дәлелдемелер сараптамаға жіберілді, нәтижесінде тәркіленген ұнтақ салмағы 4 грамнан асатын психотроптық синтетикалық есірткі екені анықталды", - деп хабарлады БҚО ПД баспасөз қызметінің қызметкері Дариға Мәжитова.
Бұл дерек бойынша ҚР ҚК-нің 297-бабы "Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, сатып алу, сақтау, тасымалдау, жөнелту немесе өткізу" бойынша сотқа дейінгі тергеу басталды. Осы бап бойынша мүлкі тәркіленіп, бес жылдан он жылға дейінгі мерзімге бас бостандығынан айыру түріндегі жаза көзделген.
Есірткіні тасымалдау байланыссыз сату үшін жасалатынын ескеру керек. Сатып алушы сатушыға ақшаны электронды түрде аударады, ал ол оған есірткінің орналасқан жері туралы хабарлайды.
Бұған дейін Қызылордада тапсырыс бойынша "синтетикалық есірткі" таратқан ер адам ұсталған еді. Айғақты зат ретінде ер адамнан синтетикалық зат салынған 72 түйіншек тәркіленген.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
