20 қараша 2021 | 18:02

Оралда гауһар тас ұрлаған ер адам ұсақ қылмыспен ұсталды

Оралда гауһар тас ұрлаған ер адам ұсақ қылмыспен ұсталды, - деп хабарлайды Tengrinews.kz тілшісі.

БҚО полиция департаментінің қызметкерлері ұрлық пен екі тонау ісі бойынша күдіктіні ұстады. Қазір тергеушілер оның басқа ұқсас қылмыстарға қатысы бар-жоғын анықтап жатыр.

Полиция қызметкерлері 28 жастағы ер адамның қылмыстық әрекеттерінің бір эпизоды түсірілген видеоны жариялады. Күдікті 18 қарашада Орал дүкендерінің бірінде 5 мың теңге көлемінде ұрлық жасағаны үшін ұсталғаны хабарланды.

"Ер адам ұсақ қылмыспен ұсталды. Оның 13 қарашада болған тонау үшін іздеуде екені белгілі болды. Сол кеште ол сауда нүктесіне кіріп, сатушыдан оған бір бөтелке арақ беруін сұраған. Кейін әйелдің бетіне бұрыш спрейін шашып, кассадан ақша алмақ болады. Сатушы қарақшыны өз күшімен ұстауға тырысқан, бірақ ол кассадағы ақшаны алып қашып кетті", - деді полиция департаментінің баспасөз қызметіндегілер.

Полицейлер соталды тергеу барысында ер адамның басқа бір тұрғын үйдегі ұрлыққа да қатысы бар екенін анықтады.

"Күдікті үйден гауһар тастар мен зүбаржаттары бар алтын бұйымдарды, ұялы телефон мен PlayStation ойын приставкасын ұрлап кеткен. Келтірілген залал сомасы 3 миллион теңге", - деді полицейлер.

Қазір ұсталған ер адамға қатысты ҚР Қылмыстық кодексінің екі бабы - 188 "Ұрлық" және 199-бабы, 2-бөлігі "Тонау" бойынша сотқа дейінгі тергеу басталды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Орал Тергеу ұрлық