+7 (777) 001 44 99
Қазақша
Русский
English
Қазақша
Русский
English
Оралда жаппай төбелес видеоға түсіп қалды. Ойын-сауық мекемесінде ер адамдардың екі тобы өзара жанжалдасып, арты төбелеске жалғасқан. Төбелес шығарушылардың танысы келіп мылтықпен оқ атып төбелесті тоқтатқан, - деп хабарлайды Tengrinews.kz тілшісі.
БҚО полиция департаменті хабарлағандай, оқиға Астана шағынауданындағы сауда орталықтарының бірінің жанында болған. Жақын жерде орналасқан кафеге келушілер арасында жанжал туындап, арты көшеде жаппай төбелеске жалғасқан.
Төбелеске қатысушылардың бірін жақын маңдағы көлікте 33 жастағы танысы күтіп отырған. Ол танысын ұрып-соғып жатқанын көріп, көліктің салонынан мылтық алып, одан жерге оқ жаудырған.
"Қатты зардап шеккендер жоқ, төбелеске қатысушылар жеңіл жарақаттар алған. 25 пен 42 жас аралығындағы 7 ер адам ұсталды. Төбелеске қатысушылар бұзақылық жасағаны үшін жауапқа тартылды. Қалада оқ атқан азаматқа қатысты сотқа дейінгі тергеу басталды, қару тіркелді", - деді БҚО ПД ресми өкілі Болатбек Нұрғожин.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
