+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Батыс Қазақстан облысының қылмыстық істер жөніндегі мамандандырылған ауданаралық соты 32 жастағы Марат Өтеғұловтың өліміне қатысты іс бойынша айыптау үкімін шығарды, - деп хабарлайды Tengrinews.kz тілшісі.
Батыс Қазақстан облысының қылмыстық істер жөніндегі мамандандырылған ауданаралық соты 32 жастағы Марат Өтеғұловтың өліміне қатысты іс бойынша айыптау үкімін шығарды, - деп хабарлайды Tengrinews.kz тілшісі.
Ер адамның жүрегіне пышақ салып өлтірген. Айыпталушы - 34 жастағы Виталий Туренков.
Сот мәліметіне сүйенсек, 2021 жылдың қыркүйегінде Туренковпен тұратын әйел дүкенге сыра алуға кеткен. Ер адам оны көпқабатты үй балконынан бақылап тұрған. Дүкенге жақындағанда алдынан шыққан төрт ер адамның біреуі онымен таныспақ болған. Бірақ ол жауап бермей, сыра сатып алып, үйіне қайтқан. Осы кезде Туренков жағдайды анықтау үшін төменге түсуді ұйғарған.
"Туренковтың қолында пышақ болған. Ол әйелге жақындаған ер адамды жұдырығымен ұрған. Сосын Өтеғұловтың кеуде тұсына пышақ сұғып алған. Ол жерге құлаған. Жүрекке тиген соққыдан ол қаза болды", - деді судья Бақыт Ермаханов.
Сотта Туренковтың бес рет сотталғаны айтылды. Соның ішінде бұзақылық және бопсалау үшін жазаланған. Ол 2021 жылдың мамырында шартты түрде босап шыққан.
"Сот сотталушыны Қазақстан Республикасы Қылмыстық кодексінің 99-бабы 1-бөлігі ("Адам өлтіру") бойынша қылмыс жасағаны үшін кінәлі деп танып, 14 жыл 1 айға бас бостандығынан айыру жазасын тағайындады", - деді судья.
Сондай-ақ, сотталушы марқұмның әйеліне 2,6 миллион теңге материалдық және 10 миллион теңге моральдық зиян үшін өтемақы төлеуі тиіс. Айта кетейік, 32 жастағы марқұмның артында әйелі мен төрт кішкентай баласы қалды.
Үкім заңды күшіне енген жоқ.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
