19 ақпан 2018 | 14:47

Өскеменде ер адам көршісінің итін жеп қойған

Мөлдір Қалықова

Өскемен тұрғыны көршісінің итін жеп қойғаны үшін екі жылға бас бостандығынан айырылды, - деп хабарлайды Tengrinews.kz тілшісі.

Өскемен тұрғыны көршісінің итін жеп қойғаны үшін екі жылға бас бостандығынан айырылды, - деп хабарлайды Tengrinews.kz тілшісі.

Қылмыстық іс материалдарына қарағанда, Өскемен тұрғыны отын алып келу үшін таңғы уақытта үйден шығып кеткен. Қайтып келе жатқанда көршілерінің итін көрген. Ит болса ер адамға қарай жүгіре бастаған. Ер адамның итті бірден үйіне алып кеткені айтылады.

Сот отырысы барысында ер адам итті ұрлап әкетіп, жеп қойғанын, ал терісін қақпасының аумағына лақтырып жібергенін мойындады. Ол кінәсін толықтай мойындап, өз әрекеті үшін өкінді. Осылайша, ол иттің иесіне 30 мың теңге көлемінде шығын келтірді.

Соттың шешімімен ер адам айыпты деп танылып, 2 жылға бас бостандығынан айырылды. Сотталушы соттың үкіміне шағым түсіре алады, себебі сот шешімі әлі заңды күшіне енген жоқ.

өскемен Шығыс Қазақстан облысы Сот төрелігі Жануарлар

TENGRI travel