+7 (777) 001 44 99
Қазақша
Русский
English
Павлодар полицейлері қаладағы сауда үйлерінің бірінде шалбар ұрлады деген күдіктіні ұстады, - деп хабарлайды Tengrinews.kz тілшісі өңірлік ІІД баспасөз қызметіне сілтеме жасап.
Ведомстводағылардың мәліметінше, ұсталған күдікті - жергілікті жұмыссыз жүрген 23 жастағы қыз.
Қыз кінәсін толықтай мойындап отыр.
"Қыздың айтуынша, ол бұл қылмысқа материалдық жағдайының қиын болуынан барған. Қазіргі уақытта ол ҚР Қылмыстық кодексінің 188-бабының 1-бөлігі бойынша қылмыстық жауапкершілікке тартылып жатыр", - деп хабарлады ведомстводағылар.
Бірақ полициядағылардың соңғы мәліметіне қарағанда, қыз үйіне жіберілді. "Ұсталған келіншектің кішкентай баласы болуына байланысты үйіне жіберілді. Одан қаладан шықпау туралы қолхат алынды", - деп хабарлады өңірлік ІІД баспасөз қызметіндегілер.
Еске сала кетейік, осыған дейін Павлодар полицейлерінің "сымбатты ұры қызды" іздестіріп жатқаны хабарланған болатын.
