+7 (777) 001 44 99
Қазақша
Русский
English
Павлодарда баланы бетонға лақтырып жіберген ер алам сотқа мас күйінде келді, - деп хабарлайды Tengrinews.kz тілшісі. Бұл туралы Павлодар облыстық сотының баспасөз қызметіндегілер айтты.
"Бүгін "Бұзақылық" бабы бойынша айыпталып отырған 40 жастағы павлодарлыққа қатысты сот отырысы өтуі тиіс болатын. Алайда сотталушы сот тыңдауына мас күйде келіп, судьяға құрметсіздік танытты. Нәтижесінде сот оған қатысты бұлтартпау шарасын қамауға алуға өзгерту туралы шешім қабылдады", - деп хабарлады Павлодар облыстық сотының баспасөз хатшысы Әйгерім Сүлейменова.
Сондай-ақ, ол сот процесінің жабық тәртіпте өтіп жатқанын айтты. Себебі мұнда кәмелетке толмаған баланың мүддесі қарастырылып жатыр.
Баланың ата-анасының материалдық жән моральдық шығынды талап еткісі келетіні белгілі болды. Баланың анасының айтуынша, осы оқиғадан кейін түнгі уақытта ұлының ұйқысы бұзылып, жиі жылап, мазасыз болып кеткен.
