+7 (777) 001 44 99
Қазақша
Русский
English
Павлодарда 14 жастағы бала әкесінің арқасына пышақ сұғып алған. Ер адам ауруханаға жеткізілді, - деп хабарлайды Tengrinews.kz тілшісі.
Полиция мәліметінше, жасөспірім мен оның әкесі арасында жанжал шыққан. Ер адам ұлы гаджетте көп уақыт өткізетініне ашуланып, телефон ұстауына тыйым салған.
"Ер адам 2007 жылғы ұлына үнемі телефонмен ойнайтынын, ештеңе істемейтінін және үйді жөндеуге көмектеспейтінін айтып, ескерту жасағаны анықталды. Ер адам баласының телефонын алып, аулаға шыққан. Осы сәтте жасөспірім әкесіне ашуланып, ас үйдегі пышақты алып, оның арқасына сұғып алған", - дейді Павлодар облысы Полиция департаменті бастығының бірінші орынбасары Жасқайрат Қайыров.
Пышақ жарақатын алған ер адам Павлодар ауруханасына жатқызылды.
"Бұл факт бойынша ҚР ҚК-ның 106-бабы 1-бөлігі бойынша соталды тергеу жүргізіліп жатыр", - деп қосты Қайыров.
"Денеге қасақана ауыр зиян келтіру" бабының санкциясы үш жылдан сегіз жылға дейінгі мерзімге бас бостандығынан шектеу немесе айыру жазасын қарастырады.
Полиция мәліметінше, жыл басынан бері Павлодар облысында кәмелетке толмағандар жасаған 11 қылмыстың іс тіркелген.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
