+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Павлодарда көлік тонамақшы болып, таяқ жеп қалған тұрғынға кешірім берілді, - деп хабарлайды Tengrinews.kz тілшісі.
Павлодарда көлік тонамақшы болып, таяқ жеп қалған тұрғынға кешірім берілді, - деп хабарлайды Tengrinews.kz тілшісі.
"Павлодардың Ленин ауылдық аймағының 36 жастағы тұрғынының көлік тонамақшы болып, көлік иесінен соққы көріп, кейін ұсталу дерегі бойынша хабарлаймыз, тергеу қорытындысы бойынша тараптардың медиация тәртібінде татуласуымен ұсталған азаматқа қатысты қылмыстық іс тоқтатылды", - деп хабарлады Павлодар облыстық ІІД баспасөз қызметі Tengrinews.kz тілшісінің сауалхатына берген жауабында.
Полициядағылар соққы көрген ер адамның көлік иесіне қатысты шағым түсірмегенін хабарлады.
"Автожүргізушінің әрекеті "Денсаулыққа қасақана жеңіл зиян келтіру" бабына сәйкес болды, алайда соққы көрген ер адамның көлік иесіне қатысты арыз түсірмеуіне байланысты көлік иесін қылмыстық жауапқа тарту мәселесі қаралмады", - деп хабарлады ІІД өкілдері.
Еске салайық, 36 жастағы ер адамның көлік тонау үстінде ұсталып, соққыға жығылғаны туралы видео Желіде тараған болатын.
Жарияланып, таралып жатқан видеода қаладағы автотұрақтардың бірінде ер адамның көлік маңында отырған ер адамды ұрып-соққаны бейнеленген. Сосын ол қашып кетеді. Ролик авторы қашып кеткен ер адамның көлікті бұзып ашуға әрекеттенгенін айтады. Видеоны 30 мың қаралым жинап, жүзден аса пікір жазылған.
