+7 (777) 001 44 99
Қазақша
Русский
English
19 желтоқсанда Павлодар облысының Баянауыл ауданында ерлі-зайыпты арасында жанжал шығып, соңы төбелеске ұласқан, - деп хабарлайды Tengrinews.kz тілшісі Полиция департаменті баспасөз қызметіне сілтеме жасап.
Тәртіп сақшыларының айтуынша, сол күні ер адамның туған күні болған. Ол әйелін қуанту үшін іссапардан ерте келген.
"Үйіне ерте келген ауыл тұрғыны әйелін басқа жігітпен ұстап алған. Ерлі-зайыпты арасында жанжал шығып, арты төбелеске айналған. Әйел қатты затпен күйеуінің бетінен бірнеше рет соққан", - делінген хабарламада.
Ер адам көмек сұрап ауруханаға жүгінген, медициналық сараптама жеңіл дене жарақаттарын анықтаған.
"Ауыл тұрғыны денсаулығына қасақана жеңіл зиян келтіргені үшін ҚР ӘҚБтК-нің 73-бабы 1-бөлігі "Денсаулықтың қысқа мерзімге бұзылуына немесе жалпы еңбек қабілетін тұрақты түрде болмашы жоғалтуға әкеп соққан, денсаулыққа қасақана жеңіл зиян келтіру" бойынша іс қозғалды", - деді баспасөз қызметі өкілі.
Полицейлер іс материалдары Баянауыл аудандық сотына жіберілетінін айтты.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
