+7 (777) 001 44 99
Қазақша
Русский
English
Павлодардағы қонақүйлердің бірінің күзетшісі жезөкшеден қызмет көрсету үшін 3 мың теңге алған, - деп хабарлайды Tengrinews.kz тілшісі. Оған қатысты полиция "Жезөкшелiкпен айналысуға арналған притондар ұйымдастыру немесе оларды ұстау және жеңгетайлық" бабы бойынша қылмыстық іс қозғады.
"Павлодар қонақүйлерінің бірінде 43 жастағы күзетші жезөкшеден қызмет көрсеткені үшін 3 мың теңге көлемінде ақша алған. Ол ұсталды. Осы дерек бойынша ҚР Қылмыстық кодексінің 309-бабы ("Жезөкшелiкпен айналысуға арналған притондар ұйымдастыру немесе оларды ұстау және жеңгетайлық") бойынша соталды тергеу басталды", - деп хабарлады Павлодар облыстық ІІД өкілдері.
Ер адамның "Стоп-трафик" жедел-алдын алу шарасы барысында ұсталғаны айтылады. Ер адам қылмысы дәлелденсе мүлкі тәркіленіп, бес жылдан он жылға дейiнгi мерзiмге бас бостандығынан айырылуы мүмкін.
