+7 (777) 001 44 99
Қазақша
Русский
English
Қазақша
Русский
English
Петропавлда интернет-алаяқтыққа күдікті мектеп оқушысы ұсталды, - деп хабарлайды Tengrinews.kz тілшісі Polisia.kz сайтына сілтеме жасап.
Петропавлда бірнеше тұрғын интернет-алаяқтық туралы арызбен полицияға жүгінген. Жәбірленушілердің дені жастар. Олар "ВКонтакте" әлеуметтік желісінде тартымды қызбен танысқаны жайлы айтқан. Аз уақыт хат алмасқаннан кейін ол қарызға ақша сұраған. Шығын сомасы 13 мың теңгеден бастап 316 мың теңге аралығында.
"Петропавл қалалық ПБ Криминалдық полиция қызметкерлері жалған парақшаны анықтады. Автор кездейсоқ атты таңдап, фотоны интернеттен алып жүктеген. Жедел уәкілдер күдіктіні анықтап, ол Петропавлдың 16 жастағы мектеп оқушысы болып шықты. Ол ата-анасының кепілімен босатылды", - делінген хабарламада.
Дерек ҚР Қылмыстық кодексінің 190-бабы 2-бөлігі ("Алаяқтық") бойынша соталды тергеп-тексерулердің бірыңғай тізіліміне енгізілген. Бүгінде іске қатысты 4 эпизод анықталған, полицейлер жәбірленушілер санын нақтылау бойынша жұмыс жүргізіп жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
