+7 (777) 001 44 99
Қазақша
Русский
English
Қазақша
Русский
English
Петропавлда екі адамды өлтірген күдіктіге үкім шықты. Ол өмір бойына бас бостандығынан айырылды, - деп хабарлайды Tengrinews.kz тілшісі.
Солтүстік Қазақстан облысының қылмыстық істер жөніндегі мамандандырылған ауданаралық соты Петропавлда өз туыстарын өлтірген ер адамның ісіне қатысты үкім шығарды. Ол туыстарына Алматыдан қонаққа келген.
"2021 жылдың 10 наурызында сағат 2.30 шамасында Б. Ғабдуллин Петропавл қаласындағы туыстарының үйінде ақша мен құнды заттарды ұрлау үшін Р. және Г-ны өлтірген. Сондай-ақ, М., Н. және К-ны өлтіруге тырысқан. Сотталушының кінәсі жәбірленушілердің, куәлардың айғақтарымен дәлелденді", - деді Солтүстік Қазақстан облысының қылмыстық істер жөніндегі мамандандырылған ауданаралық сотындағылар.
Ер адамға өмір бойына бас бостандығынан айыру түрінде үкім шығарылды.
"Сот Б.Ғабдуллиннің үш кішкентай баласы бар екенін жеңілдететін, ал мас күйінде қылмыс жасағанын ауырлататын мән-жай деп таныды.
Сот пайда табу ниетімен дәрменсіз күйдегі ек адамды өлтіргені үшін Б.Ғабдуллинге өмір бойына бас бостандығынан айыру, ал екі және одан да көп адамды өлтіруге оқталғаны үшін 15 жыл бас бостандығынан айыру түріндегі жаза тағайындады", - делінген Солтүстік Қазақстан облысының қылмыстық істер жөніндегі мамандандырылған ауданаралық сотының үкімінде.
Б. Ғабдуллин төтенше қауіпсіздік қылмыстық-атқару жүйесі мекемесінде жазасын өтейді.
Сотталған адамнан жәбірленушілердің пайдасына 14,8 миллион теңгеден аса сомада материалдық және моральдық зиян өндірілді. Айта кетейік, алматылық 2 адамды өлтірді деп айыпталған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
