05 ақпан 2020 | 09:24

Полицейлер Алматы облысында арнайы операция жүргізді

видеодан үзінді

Есірткі бизнесіне қарсы күрес басқармасы Алматы облысында өткізген арнайы операция кезінде марихуана мен гашиштің ірі партиясы анықталған, - деп хабарлайды Tengrinews.kz тілшісі облыстық ПД баспасөз қызметіне сілтеме жасап.

Есірткі бизнесіне қарсы күрес басқармасы Алматы облысында өткізген арнайы операция кезінде марихуана мен гашиштің ірі партиясы анықталған, - деп хабарлайды Tengrinews.kz тілшісі облыстық ПД баспасөз қызметіне сілтеме жасап.

Жедел шаралар Алматы-Бішкек тасжолында ұйымдастырылып, 97-шақырымында Pontiac автокөлігі тоқтатылған. Куәгерлердің қатысуымен жолаушыдан төрт келі 627 грамм марихуана және 5,52 грамм гашиш тәркіленген.

"Жолаушы ретінде таксимен жүрген Жамбыл облысының 43 жастағы тұрғыны ұсталды. Ер адам бұрын есірткі заттарын сақтағаны үшін қылмыстық жауапқа тартылған. Осы дерекке қатысты ҚР Қылмыстық кодексінің 296-бабы 4-бөлігі ("Есірткі, психотроптық заттармен, сол тектестермен өткізу мақсатынсыз заңсыз жұмыс істеу") бойынша тергеу шаралары жүріп жатыр", - деді облыстық полиция баспасөз қызметінің өкілдері.

Күдікті Жамбыл аудандық полиция бөлімінің уақытша ұстау изоляторына қамалды.