+7 (777) 001 44 99
Қазақша
Русский
English
"Қазақстан инжиринг" басқарма төрағасының бұрынғы орынбасары Қанат Сұлтанбековты Ұлттық қауіпсіздік комитеті ұстағаны белгілі болды, - деп хабарлайды Tengrinews.kz тілшісі.
"Ұлттық қауіпсіздік комитеті азаматы Сұлтанбеков Қанат Таңатарұлына қатысты сотқа дейінгі тергеу жүргізіп жатыр. Тергеу мүддесіне байланысты өзге мәлімет берілмейді", - делінген ҚР ҰҚК-нің Tengrinews.kz редакциясының ресми сауалына берген жауабында.
Еске сала кетейік, Қанат Сұлтанбековтың қамауға алынғаны жайлы бүгін хабарланған болатын. "Қанат Сұлтанбеков екі ай мерзімге, яғни 2017 жылдың 16 сәуіріне дейін қамауға алынды. Үкімді Есіл аудандық № 2 соты 18 ақпанда шығарды", - деген еді қалалық сот баспасөз қызметінің маманы Ботагөз Баянова. Сондай-ақ, осыған дейін "Қазақстан инжиринг" басқарма төрағасының бұрынғы орынбасары Қанат Сұлтанбековтың өкілеттігі алдын ала тоқтатылғаны хабарланған еді.
