+7 (777) 001 44 99
Қазақша
Русский
English
Алматыда ағасы мен қарындасы бірнеше алаяқтық іс бойынша күдікті болып отыр, - деп хабарлайды Тengrinews.kz тілшісі Алматы ІІД-нің баспасөз қызметіне сілтеме жасап.
Әуезов аудандық Ішкі істер басқармасы қызметкерлерінің мәліметі бойынша, 29 жастағы Зарина Атембаева және оның 37 жастағы ағасы Ерік Сейітбай мемлекеттік бағдарлама бойынша баспана алып беремін деп бірнеше рет алаяқтық жасаған.
"Қыз өзін әкімдік қыметкері ретінде таныстырған және белгілі бір сома үшін кезекте алға жылжытып беруге уәде еткен. Түрлі сома айтылған: мың доллардан бастап, ары қарай. Кей кездерде қаржыны теңгемен алған. Көп жағдайда тұрғындардан ақшаны ағасы - Ерік Сейтібай алып отырғаны анықталды", - дейді баспасөз қызметінің өкілдері.
Ерік Сейітбай
Зарина Атембаева © ІІД-нің баспасөз қызметі
Қазіргі кезде зардап шеккен екі адам арызданған. Жедел мәлімет бойынша, зардап шеккендер саны көп болу мүмкін.
"Көрсетілген тұлғалардың әрекетінен зардап шеккен азаматтарға: бұл тұлғаларды танып жатсаңыздар 298-53-00; 298-53-01; 298-53-02 және 298-53-03 телефондары арқылы хабарласыңыздар", - дейді Әуезов аудандық ІІД басшысы Бақыт Қасабеков.
