+7 (777) 001 44 99
Қазақша
Русский
English
Қазақстан шекарасының күзеті Қырғызстандағы колониядан 9 экстремистің қашуынан кейін күшейтілді. Бұл туралы Қазақстанның ҰҚК Шекара қызметінің баспасөз қызметінің өкілдері мәлімдеді, - деп хабарлайды Tengrinews.kz тілшісі.
"Шекара қызметі бұл мәліметті біледі. Мемлекеттік шекараны күзету күшейтілген тәртіпке өтті. Қырғызстанмен шекаралас бекеттер күшейтілді", - деп хабарлады баспасөз қызметіндегілер.
Еске сала кетейік, 12 қазанға қараған түні Қырғызстанда 9 адам колонияның үш қызметкерін өлтіріп, түрмеден қашып кеткен. Олардың бесеуі айналма жолда ұсталды. Түрмеден қашқан төртеудің екеуі өмір бойына бас бостандығынан айырылған болса, екеуі тергеуде екен. Милиция іздестіріп жатқандар экстремизм мен терроризм үшін қылмыстық жауапкершілікке тартылған. Төменгі Нооруз ауылындағы №50 түзету мекемесінен қашқандар заңсыз деп танылған "Жайшул-Махди" партиясының өкілі болған.
