+7 (777) 001 44 99
Қазақша
Русский
English
Алматыда ҚазҰТУ студенті Самұрат Жақсылықовтың өліміне қатысты іс бойынша айыпталушыға жаза кесілді, - деп хабарлайды Tengrinews.kz тілшісі сот залынан.
Қаза тапқан студентпен бірге оқыған Тілек Текішев ҚР Қылмыстық Кодексінің 106-бабында ("Абайсызда жәбiрленушiнiң өліміне әкеп соққан денсаулыққа қасақана ауыр зиян келтiру") қарастырылған қылмыстық іс бойынша кінәлі деп танылып, 8 жылға бас бостандығынан айырылды. Ол жазасын жалпы режимдегі колонияда өтейді.
Еске сала кетейік, кісі өлімі 2015 жылы 30 қараша күні Сәтбаев атындағы ҚазҰТУ-да болған еді. Дегенмен ресми ақпарат 3 желтоқсанда ғана таратылды. Тергеу мәліметінше, Текішев пен Жақсылықов кітапханада орынға таласады. Әжетханада болған төбелес кезінде күдікті қарсыласына пышақ сұғып алған. Жақсылықов алған жарақатынан оқиға болған жерде қайтыс болды.
