Қостанай облысында сатушы әйел пышақ ұстаған ұрыға тойтарыс берді

Қостанай облысында сатушы қаруланған ұрыға тойтарыс беріп, қуып шықты, - деп хабарлайды Alau.kz.

Оқиға Қарабалық ауданында болған. Қостанай облыстық ІІД-нің баспасөз қызметі осы оқиғаны растап берді. Асхана пышағымен қаруланған ер адам дүкенге кіре салысымен барлық ақшаны беруін талап еткен.

"Әйел адам шабуылдаған ер адамға тойтарыс берген. Сатушы оны қуып жіберген. Ұры сатушы әйелге қарсы тұра алмаған", - деді полициядағылар.

Бір сағаттан соң күдікті ұсталған. Ол Қарабалық ауданының 41 жастағы тұрғыны екенін анықталған. Ол алкогольдік ішімдікке мас болған. Сотқа дейінгі тергеу шаралары жүргізіліп жатыр.

Еске салайық, осыған дейін Алматы облысында супермаркетті тонамақ болған сәт видеоға түсіп қалғаны хабарланған еді. Tengrinews.kz оқиғаның эксклюзив видеосын жариялады. Кадрлардан дүкенге кірген жігіттің бірден қассаға бет алып, сатушы әйелге қару кезенгені көрінеді. Әйел өзіне қауіп төнгеніне қарамастан, қылмыскердің өзіне тап берген. Сатушыға өзге әйел мен ер адам көмекке келіп, олар қарақшының қолындағы қаруды тартып алады.