+7 (777) 001 44 99
Қазақша
Русский
English
Қостанайда пара ретінде шарап алды деген күдікпен сот орындаушысы қызметін атқарушы қамауға алынды, - деп хабарлайды Tengrinews.kz тілшісі облыстық соттың баспасөз қызметіне сілтеме жасап.
Іс материалдары бойынша, сот орындаушысы қызметін атқарушы 1975 жылғы әйел ер адамға пәтерді бұғаттаудан тезірек алуды ұсынған. Қызметі үшін ол 5 мың теңге мен бір құты шарап сұраған. Ер адам сот орындаушысын жазалауды сұрап сыбайлас-жемқорлыққа қарсы қызметке шағым түсірді.
"2015 жылдың 6 тамызында сот орындаушысы қызметін атқарушы пара ретінде 5 мың теңге көлемінде ақшалай және құны 7310 теңгелік "Хванчкара" шарабын алды. Осыдан кейін оны Қостанай облысы мемлекеттік қызмет істері және жемқорлыққа қарсы іс-қимыл агенттігі департаментінің қызметкерлері ұстады", - деп жазылған баспасөз хабарламасында. Осылайша әйел адам "Пара алу" бабында қарастырылған қылмысқа барды. Сотқа дейінгі тергеу амалдары жүргізіліп жатыр.
