08 маусым 2022 | 16:34

Ресейлік әйел бес жыл бойы Қазақстаннан зейнетақы алып келген

Дина Шарипханова Корреспондент

Фото ©Тұрар Қазанғапов

Ресей азаматы бес жыл бойы Қазақстаннан зейнетақы алып келген, - деп хабарлайды Polisia.kz.

1 маусымда Өскеменде көші-қон қызметкерлері қос азаматтық алған әйелді анықтаған. 64 жастағы әйел 17 жылдан бері көрші ел азаматы бола тұра, Қазақстанда тұрып, 5 жыл бойы зейнетақы алып жүрген.

"Қазақстандық құжаттарды пайдаланғаны үшін ҚР ӘҚБК-нің 496-бабы бойынша 100 АЕК сомасында айыппұл түрінде әкімшілік жауапкершілікке тартылды. Қазіргі уақытта қазақстандық құжаттар тәркіленіп, азаматтығынан айырылды және заңсыз алынған ақшаны қайтару мәселесі қарастырылып жатыр", - деді ШҚО ПД бастығының бірінші орынбасары Елдос Закимов.

Айта кетейік, жыл басынан бері ШҚО аумағынан қос азаматтығы бар 35-тен аса адам анықталған. ШҚО ПД көші-қон қызметі Конституцияға сәйкес елімізде қос азаматтыққа жол берілмейтінін еске салып, заңнаманы сақтауға шақырды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Зейнетақы азаматтық Ресей

TENGRI travel