+7 (777) 001 44 99
Қазақша
Русский
English
20 қазан 2021 | 12:04
Риддер қаласының тұрғыны дүкенде "көкнәр сабағын" сақтаған
Есірткі қылмысына қарсы күрес басқармасының қызметкерлеріне Риддер қаласының тұрғыны есірткі құралдарын заңсыз сақтағаны туралы ақпарат түскен, - деп хабарлайды Tengrinews.kz тілшісі.
ПОДЕЛИТЬСЯ
Есірткі қылмысына қарсы күрес басқармасының қызметкерлеріне Риддер қаласының тұрғыны есірткі құралдарын заңсыз сақтағаны туралы ақпарат түскен, - деп хабарлайды Tengrinews.kz тілшісі.
Биыл қазанның басында "Қарасора", "Дәрмек" жедел-профилактикалық іс-шараларын өткізу барысында Есірткі қылмысына қарсы күрес басқармасының қызметкерлеріне Риддер қаласының тұрғыны есірткі құралдарын заңсыз сақтағаны туралы жедел ақпарат келіп түскен. Жедел уәкілдер тез арада ақпаратты тексеруге кіріскен.
Биыл 6 қазанда тінту іс-шараларын жүргізу барысында 73 жастағы жергілікті тұрғынға тиесілі Риддер дүкендерінің бірінен құрамында есірткі бар тағамдық көкнәр табылып, тәркіленген. Сараптама қорытындысына сәйкес, алынған зат - жалпы салмағы 30 грамнан асатын "көкнәр сабағы".
"Бұл дерек бойынша ҚР ҚК-нің 296-бабы 2-бөлігі - есірткі заттарымен заңсыз жұмыс істеу бойынша сотқа дейінгі тергеу басталды, тиісті тергеу шаралары жүргізіліп жатыр", - деді ПД бастығының орынбасары Талғат Шаяхметов.
ШҚО ПД баспасөз қызметі есірткі қылмысына қарсы іс-қимыл ІІМ-нің басым міндеттерінің бірі болып табылатынын, осы бағыттағы жұмыс үздіксіз жүргізіліп жатқанын атап өтті.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
