+7 (777) 001 44 99
Қазақша
Русский
English
Семей тұрғыны алматылықтың 80 мың долларын алдап алған. Бұл туралы Алматы Полиция департаменті бастығының тергеу жұмысы жөніндегі орынбасары Рустам Әбдірахманов айтты, - деп хабарлайды Tengrinews.kz тілшісі.
Құқық қорғау органдарының мәліметінше, қаскүнем Алматыға Семейден келген. Ол ақша айырбастау орнын жалға алып, валюта айырбастау туралы хабарландыру жариялаған.
"Бірінші болып Алматы тұрғыны құрығына түскен. Жексенбіде кездесетіні туралы келісіп, кейін қыз белгіленген орынға барлық соманы алып келген. 80 мың долларды оған берген. Ер адам айырбастаймын деген сылтаумен басқа бөлмеге кетіп, қосалқы есіктен қашып кеткен", - деді Әбдірахманов.
1985 жылы туған күдікті ер адам Өскемен әуежайында ұсталған. Ол қамауға алынған. Соталды тергеп-тексеруді жүргізу Медеу аудандық Полиция басқармасының тергеушілеріне тапсырылған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
