+7 (777) 001 44 99
Қазақша
Русский
English
Семей қалалық сәулет және қала құрылысы бөлімінің бұрынғы басшысы Бақтияр Салимов жүйелі түрде пара алғаны үшін сотталды, - деп хабарлайды Tengrinews.kz тілшісі.
Бөлім басшысына қатысты тергеу жұмыстары былтыр күзде басталған.
"Салимов 2019 жылғы қыркүйек пен қазан аралығында эскиздік жобалар мен схемаларды бекіткені үшін кәсіпкерлерден жүйелі пара алды деген күдікке ілінді", - делінген ШҚО сыбайлас жемқорлыққа қарсы қызметінің хабарламасында.
Ведомство өкілдері Салимов кінәсін мойындағанын хабарлады. Сот үкімімен қаланың бұрынғы бас сәулетшісіне 8 миллион 785 мың теңге айыппұл салынды және ол өмір бойына мемлекеттік қызметте жұмыс істеу құқығынан айырылды.
Бақтияр Сәлімов Семей қаласының сәулет және қала құрылысы бөлімінің басшысы лауазымына 2017 жылдың басында тағайындалған.
