+7 (777) 001 44 99
Қазақша
Русский
English
Алматы полициясы кезекті рет жеңіл жүрісті қыздарды ұстады, - деп хабарлайды Tengrinews.kz тілшісі қалалық ІІД баспасөз қызметіне сілтеме жасап.
Уфа (Ресей Федерациясы) тұрғыны мен оның өзбекстандық үш "әріптесі" өз қызметтерін Интернетте жарнамалаған. Олар клиенттеріне Алматыдағы элиталы тұрғын үй кешендерінің біріндегі пәтерде қызмет көрсеткен. Кейін олардың пәтерді жалға алып, ай сайын 500 мың теңге төлегендері анықталды.
Алматы ІІД баспасөз қызметі жолдаған сурет
"Жеке бастарын куәландыратын құжаттары болған жоқ. Сондықтан үшеуі өздері туралы нақты мағлұмат пен азаматтықтары туралы мәліметтерді жасырғысы келді, сөйтіп мамандарды шатастыруға тырысты. Алайда олардың шетелдіктер екені бірден анықталды. Олар Алматыға көші-қон заңнамасын өрескел бұзып келген. Қыздар қазір қамауға алынды. Әкімшілік өндіріс материалдары шешім қабылдау үшін мамандандырылған ауданаралық сотына жіберіледі", - деді қалалық ІІД ұйымдасқан қылмыспен күрес басқармасының басшысы Таңат Назанов.
Алматы ІІД баспасөз қызметі жолдаған сурет
Еске сала кетейік, бұған дейін Алматыда моншадан жезөкшелер притонының табылғаны хабарланған болатын.
