Шахтинскідегі боксшының өлімі: күдікті ұсталды

Шахтинск тұрғыны 24 жастағы боксшыны өлтірді деген күдікпен ұсталды, - деп хабарлайды Tengrinews.kz тілшісі.

Қарағанды облысының полиция департаменті баспасөз қызметінің мәліметінше, ұсталған 20 жастағы күдіктіге қатысты ҚР Қылмыстық кодексінің 99-бабының 1-бөлігі ("Адам өлтіру") бойынша айып тағылып отыр. Ол уақытша ұстау изоляторына қамалды.

"Күдікті жедел-іздестіру шаралары барысында ұсталды. Ол қылмыс жасағанын мойындады. Тергеу амалдары жүріп жатыр", - деді полициядағылар.

Еске салайық, 20 тамызға қараған түні Шахтинск қаласының орталық ауруханасына пышақ жарақатымен 24 жастағы жігіт жеткізілген болатын. Ол ес-түссіз болған, өкінішке қарай, ауруханада қайтыс болды. Кейін қайтыс болған жігіттің кәсіпқой бокспен айналысқаны белгілі болды.

Қазақстан жаңалықтары. Соңғы жаңалықтар. Telegram желісінде бізге жазыл!