+7 (777) 001 44 99
Қазақша
Русский
English
Қазақша
Русский
English
Алматыда жаппай тәртіпсіздік кезінде ыдыс-аяқ дүкенін тонап кеткен ер адам ұсталды, - деп хабарлайды Tengrinews.kz тілшісі Polisia.kz сайтына сілтеме жасап.
Күдіктіні ұстау кезінде полиция қызметкерлері табалар, шәйнектер, табақтар, пышақтар және басқа да ас үй ыдыстарын тәркілеген.
"Жаппай тәртіпсіздік кезінде төтенше жағдайды пайдалана отырып, А. есімді азамат сауда орталықтарының бірінде орналасқан ыдыс-аяқ бутигіне заңсыз кіріп, жалпы құны бес миллион теңгеге жуық ас үй ыдыстарын алып кеткен. 32 жастағы азамат қылмысын мойындады. Ол бірнеше бейнебақылау камерасына, соның ішінде куәгерлер видеосына түсіп қалған. Дерек бойынша соталды тергеу басталды. Күдіктінің әрекеттері ҚР ҚК-нің 188-бабы 3 бөлігінің 3 тармағымен ("Ұрлық") сараланады", - деп түсіндірді Бостандық аудандық Полиция басқармасы жанындағы полиция бөлімінің бастығы Ғалым Қасымбаев.
Жедел уәкілдер ұрланған ас үй ыдыстарын тәркілеп, айғақ ретінде қылмыстық іс материалдарына тіркеген. Алматы қаласының мамандандырылған ауданаралық тергеу соты "қамау" түріндегі бұлтартпау шарасын санкциялаған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
