+7 (777) 001 44 99
Қазақша
Русский
English
Шығыс Қазақстан облысында былтыр күзде жоғалып кеткен ер адам өлі табылды, - деп хабарлайды yk-news.kz.
ШҚО Полиция департаменті баспасөз қызметінің мәліметінше, 38 жастағы Евгений Беспалов 2021 жылдың 27 қазанында Декаротивная көшесіндегі үйінен белгісіз бағытта шығып, сол күйі хабар-ошарсыз кеткен. Көп ұзамай полицияға оның әйелі хабарласқан.
"Осы уақыт бойы криминалдық полиция қызметкерлері жедел-іздестіру шараларын жүргізді. 2022 жылдың 30 сәуірінде Ертіс өзенінен 500 метр қашықтықтағы Бейбітшілік аралынан жоғалған азаматтың денесі табылды. Әйел өзінің күйеуін таныды", - деп хабарлады ШҚО ПД.
Қазіргі уақытта сот-медициналық сараптама тағайындалды, қажет тергеу әрекеттері жүргізіліп, өлімінің мән-жайы анықталып жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
