ШҚО-да халықаралық қылмыстық топқа демеу көрсетті деген күдікпен прокуратура қызметкері ұсталды

12 Мамыр 2017, 15:24
0
ШҚО-да халықаралық қылмыстық топқа демеу көрсетті деген күдікпен прокуратура қызметкері ұсталды -

Шығыс Қазақстан облысында халықаралық қылмыстық топтың мүшелері делінген ер адамдар құрықталды, олар сол өңірде заңсыз ойын мекемелерін іске қосып отырған. Осы топтың әрекетіне аудандық полиция бөлімшесінің басшысы мен Өскемен қаласы прокуратурасының қызметкері жасырын демеу көрсетіп отырған, - деп хабарлайды Tengrinews.kz тілшісі. 

Ұсталғандар туралы мәліметті өңірлік құзырлы органның баспасөз қызметі хабарлады. 

"Өткен жылдың қазан айынан бастап облыстық прокуратура өңірдегі заңсыз ойын бизнесі ісін тергеп жатыр. Қылмыстық топқа мүшелікке тарнсұлттық азаматтар кірген, яғни ұйымдастырушылардың бірі және басшысы - Ресей Федерациясының азаматы. Ұрланған қаражаттың бір бөлігі Ресейге банк арқылы жіберіліп отырған", - деді ШҚО прокуратурасының баспасөз қызметіндегілер. 

Алдын ала мәліметтер бойынша, бірнеше қалада астыртын ойын автоматтары бар залдар жұмыс істеген. 

"11 мамырда жедел тергеу тобы Зырян АІІБ-нің бұрынғы қызметкерін және Өскемен қаласы прокуратурасының аға прокурорын қызметтік бабын асыра пайдаланды және трансұлттық қылмыстық топқа қатысы бар деген күдікпен ұстады. Олар уақытша тергеу изоляторына қамалды", - деді ведомство өкілдері. 

Прокуратураның мәліметінше, ұсталғандардың әрқайсысы қызметтік бабын пайдаланып, қылмыстық топқа қызмет көрсетіп отырған. Сол ісі үшін олар ақша алып отырған. 

"Қазіргі уақытта тергеу тобы белсенді түрде құқық қорғау органдарында жұмыс істейтін заңсыз ойын бизнесіне қатысы бар адамдарды анықтау және ұстау шараларын жүргізіп жатыр", - деді өңірдегі прокуратурадағылар. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай