+7 (777) 001 44 99
Қазақша
Русский
English
Биылғы жылдың 25 қаңтарында ШҚО-да қос зейнеткерді қатыгездікпен өлтірген, - деп хабарлайды Tengrinews.kz тілшісі.
ШҚО Алтай ауданы Прибрежный кентінің тұрғындары көрші үйлердің бірінің өртенуінен оянған. Оқиға орнына келген өрт сөндірушілер жалынды сөндіріп үйге кірген соң, қорқынышты көрініске куә болды.
Үйдің еденінен зорлық-зомбылықпен өлтірілген 83 жастағы әйел мен 74 жастағы ер адамның жартылай күйген мәйіттері жатты. Олардың денесінде көптеген пышақ жарақаттары болған. Аталған факт бойынша ҚР ҚК-нің 99-бабы 2-бөлігі (кісі өлтіру) бойынша сотқа дейінгі тергеу басталды, тергеушілер 8 ай ішінде оқиғаның қалай болғанын толық зерттеді.
Қазан айында осы ауыр қылмысқа қатысы бар деген күдікті ұсталды.
"Зейнеткерлерді қатыгездікпен өлтірген 37 жастағы ер адам болып шықты. Ол зейнеткерлерді аяусыз өлтіргеннен кейін үйді қасақана өртеп, оқиға орнынан қашып кеткен. Қазір күдікті қамауда, сотқа дейінгі тергеу жалғасып жатыр", - деді ШҚО Полиция департаменті бастығының орынбасары Талғат Шаяхметов.
Сондай-ақ, полиция департаменті бұл аса ауыр қылмыс үшін күдіктіге, егер сот оны кінәлі деп таныса, 20 жылға дейін немесе өмір бойы бас бостандығынан айыру жазасы тағайындалуы мүмкін екенін атап өтті.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
