30 мамыр 2022 | 15:05

Шымкент дәріханаларында психотроптық препараттар бақылаусыз сатылған

Сурет: Tengrinews.kz мұрағатынан

Оңтүстік мегаполис полицейлері қатты әсер ететін психотроптық препараттарды дәріқағазсыз сатқан дәріханаларды анықтады, - деп хабарлайды Tengrinews.kz тілшісі OTYRAR сайтына сілтеме жасап.

Оңтүстік мегаполис полицейлері қатты әсер ететін психотроптық препараттарды дәріқағазсыз сатқан дәріханаларды анықтады, - деп хабарлайды Tengrinews.kz тілшісі OTYRAR сайтына сілтеме жасап.

Шымкент қаласы ПД баспасөз қызметінің мәліметінше, жыл басынан бері осындай 4 жағдай анықталған.

"Барлық анықталған заңбұзушылықтар бойынша жиналған құжаттар Медициналық және фармацевтикалық бақылау комитетінің өңірлік департаментіне жолданды, кінәлілер жауапқа тартылды", - деді Полиция департаменті өкілдері.

Былтыр Шымкентте психотроптық препараттарды бақылаусыз сатудың 11 дерегі тіркелген еді. Айта кетейік, олардың құрамында есірткі заты бар, тәуелділікке әкелуі мүмкін. Сондықтан полицейлер тек дәрігердің қағазы бойынша берілетін бірқатар әсері қатты препарат бар екенін еске салды.